Djamars 15 di mart e muchanan ku ta bishitá aktividat di mèrdia di grupo 6, 7 i 8 a kuminsá haña lès di baila serka un yùfrou hulandes.
Yùfrou Celline Pels aktualmente ta traha i kore stazje na e edifisio di Sint Dominikus school.
E ta duna lès di baile na muchanan chikitu te ku e teenarsnan. E tipo di baile ku Yùfrou Celline ta sinja e muchanan ta balèt i jazz-streetdance. E último aki ta voral pa e teenars nan.
Su meta pa ku e lèsnan di baile ta pa drenta den e mundu di e muchanan ku bailenan ku ta kuadra den e muchanan mundu i tambe pa siña e muchanan traha huntu komo un tim i e abilidat di por presenta dilanti di un públiko sin miedu ni bèrguensa. Djabièrnè ùltimo 25 di mart e muchanan a presentá nan baile den nos sala multi funkshonal kaminda mayornan i tambe e sobrá muchanan por a apoyá i disfruta di nan tremendo presentashon.
lès di baila
Djamars ùltimo e muchanan di aktividat di mèrdia di grupo 6, 7 i 8 a kuminsa haña lès di baila serka un yùfrou hulandes.
Yùfrou Celline Pels aktualmente ta traha i kore stazje na e edifisio di Sint Dominikus school. E ta duna lès di baile na muchanan chikitu te na e tienersnan.
E tipo di baile ku Yùfrou Celline ta sinja e muchanan ta balèt i jazz-streetdance. E último aki ta voral pa e tiner nan. Su meta pa ku e lèsnan di baile ta pa drenta den e mundu di e muchanan ku bailenan ku ta kuadra den e muchanan mundu i tambe pa siña e muchanan traha huntu komo un tim i e abilidat di por presenta dilanti di un públiko sin miedu ni bèrguensa.
Djabièrnè 25 di mart awor e gruponan lo bai presenta nan baile den e sala multifunkshonal aki serka nos na skol mes pa 2or di atardi.
Mayornan ku tin yu den grupo 6, 7 i 8 (mainta klas di mr Alex, yùfrou Anne i yùfrou Richena) ku ta bishita aktividat di mèrdia ta keda kordialmente invitá!
Flègt armbant i kadena
Nos yùfrou di Hulandes Anne a bai di akuerdo pa siña un di nos lidernan e téknika di flègt armbant i kadena. E manera ku nan ta wòrdu di flègt ta masha apart i spesial.
Yùfrou Anne a siña yùfrou Julissa kon pa hasi e obra aki i yùfrou Julissa na su turno a siña e otro lidernan i su muchanan (grupo 7 i 8).
Aunke e téknika di flègt aki riba su mes no ta dje fásil ei, e muchanan a kapt’é tòg basta lihé dor di pone èkstra atenshon. Yùfrou Julissa a splika e muchanan unu pa unu e komienso i despues e muchanan mes a sigui kuné.
